Əməkdaşlığın məqsədləri. Azərbaycan Respublikası və İran İslam Respublikası öz qonşuları üçün strateji baxımdan əhəmiyyətli ərazidə yerləşirlər: iki əsas beynəlxalq nəqliyyat dəhlizinin kəsişməsində: Şərqdən Qərbə və Şimaldan Cənuba ölkələrin unikal mövqeyi onların körpü olmasına imkan yaradır. Tərəflər İran İslam Respublikasının tranzit marşrutlarının Azərbaycan Respublikası ərazisindən keçməklə Qara dəniz, Rusiya Federasiyası və Avropaya birləşdirilməsində və hər iki ölkənin tranzit imkanlarının artırılmasında maraqlıdırlar. Tərəflər yüklərin daşınmasını artırmaq məqsədilə Astara (Azərbaycan) - Astara (İran) dəmir yollarının, dəmir yolu stansiyaları və binalarının, Astara Yükboşaltma Terminallarının tikintisi kimi bütün vacib tədbirləri görməkdə maraqlıdırlar. Tərəflər Horadiz (Azərbaycan) və Aslandüz zonası (İran) arasında dəmir yolu əlaqəsinin təmin edilməsi imkanlarının araşdırılmasında maraqlıdırlar.
