Rhwymedigaeth y Gronfa. Caiff rhwymedigaeth y Gronfa ei chyfrif xxx tair blynedd gan yr actiwari a benodwyd ac mae’r fethodoleg a ddefnyddir yn cyd-fynd â’r canllawiau arferol ac yn cydymffurfio ag IAS 19. Cytunir gyda’r actiwari ynghylch y rhagdybiaethau sydd i’w defnyddio yn gynsail i’r prisiannau ac maent wedi’u crynhoi yn Nodyn 22. Gall newid yn y rhagdybiaethau beri amrywiad mawr yn yr amcangyfrif. Wrth asesu gwerth teg yr offerynnau ariannol nas masnachwyd, mae'r Bartneriaeth Gyfyngedig yn defnyddio amrywiaeth o ddulliau'r farchnad a dulliau incwm megis y tro diwethaf y'u hariannwyd, enillion ac aml- ddadansoddiad, dull llif arian disgowntiedig, a phrisio trydydd parti ac mae'n llunio rhagdybiaethau sy'n seiliedig ar amodau'r farchnad a rhagdybiaethau ynghylch y rhai sy’n cyfranogi yn y farchnad, sy'n bodoli ar ddiwedd pob cyfnod adroddiad. Mae'r wybodaeth arall a ddefnyddiwyd wrth bennu gwerth teg yr offerynnau ariannol nas masnachir yn cynnwys yr adroddiadau ariannol diweddaraf, y llif arian dilynol a monitro mewnol o ddigwyddiadau sbarduno (megis ymadael a Chynigion Cyhoeddus Cychwynnol – IPOs) yn ogystal â newidiadau ym mhrisio buddsoddiadau cymharol ynghyd â thechnegau megis modelau prisio opsiynau, a gwerth ddisgowntiedig amcangyfrifol y llif arian yn y dyfodol. Mae'r arferion hyn yn unol â'r canllawiau rhyngwladol a ddefnyddir yn xxxx xxx y diwydiant. Gwerth y Partners Group Red Dragon Limited Partnership ar 31 Mawrth 2015 oedd £27.2 miliwn (£27.6 miliwn ar 31 Mawrth 2014). Yn y Datganiad o Gyfrifon ceir ffigurau amcangyfrifedig sydd wedi’u seilio ar dybiaethau mae’r Awdurdod wedi’u gwneud am y dyfodol xxx xx’n ansicr mewn rhyw ffordd arall. Gwneir amcangyfrifon gan gymryd mewn i ystyriaeth profiad hanesyddol, tueddiadau cyfredol a ffactorau perthnasol eraill. Fodd bynnag, oherwydd na ellir pennu balansau â sicrwydd, gallai’r gwir ganlyniadau fod yn sylweddol wahanol i’r tybiaethau a’r amcangyfrifon. Mae’r eitemau yn y Datganiad Asedau Net ar 31 Mawrth 2015 lle mae risg sylweddol y cânt eu haddasu’n sylweddol yn y flwyddyn ariannol i ddod fel a ganlyn: Gwerth presennol actiwaraidd o fudd-daliadau ymddeol a addawyd Mae’r amcangyfrif o’r rhwymedigaeth net i dalu pensiynau’n dibynnu ar nifer o ddyfarniadau cymhleth sy’n ymwneud â’r gyfradd ddisgowntio a ddefnyddir, y gyfradd yr amcangyfrifir y bydd cyflogau’n codi, newidiadau i oed ymddeol, cyfraddau marwolaethau a’r enillion a ddisgwylir ar asedau’r gronfa bensiwn. Mae cwmni o actiwarïaid ymgynghorol wedi cael ei gyflo...
