Располагање со средствата на сметката. Корисникот се обврзува да и достави на Банката неопходна документација и податоци за одобрување на средствата на неговата сметка во Банката. Корисникот се обврзува благовремено да доставува правилно и точно пополнети платни инструменти за девизни плаќања или трансфери, во рамки на средствата од својата девизна трансакциска сметка согласно со позитивните законски прописи и процедурите за работа на Банката. Корисникот е согласен, на негов ризик, врз основа на негово писмено барање со овластување доставено до Банката, Банката да може да подготви и изврши платни инструменти за девизни плаќања или трансфери согласно со инструкциите наведени во Барањето, кое може да биде доставено на факс, или со електронска пошта, или преку друг електронски сервис, со обврска во рок од 5 (пет) дена Барањето со овластување да го достави и во оригинална форма. За евентуално настанатата штета по основ на ненавремено доставени податоци за одобрување на средства на сметката, погрешно или неправилно пополнети платни инструменти, погрешно, непотполно и невистинито доставено барање со овластување, или кој било вид на невистинита документација, Банката нема да сноси одговорност. За еднократно или трајно располагање со средствата на сметката, Xxxxxxxxxx може да овласти друго лице, за што пред овластен работник на Банката своерачно потпишува полномошно, или полномошно заверено кај нотар. Полномошното има важност до отповикување на истото од страна на Корисникот на истиот начин како што е дадено и доставено до Банката, до раскинување на овој Договор или во останати случаи предвидени со закон. Доколку настане материјална штета за Банката од даденото полномошно за располагање со средствата на сметката, истата во целост ја надоместува Корисникот.
Располагање со средствата на сметката. Банката извршува плаќања од сметката на Учесникот во платниот промет до висината на покритието на сметката. Под покритие се подразбира состојбата на сметката од претходниот работен ден, намалена за сите извршени плаќања од сметката заедно со предвидената банкарска провизија до моментот на утврдување на салдото, а зголемена за евидентираните уплати на сметката во тековниот ден и износот на одобрениот, а неискористен рамковен кредит. Банката може да му одобри на Учесникот во платниот промет рамковен кредит врз основа на посебно склучен договор.
Располагање со средствата на сметката. За располагање со средствата на сметката, Xxxxxxx може да издаде соодветна картичка (дебитна или чековна) на барање на Учесникот, преку која истиот се идентификува при вршењето на работите на платниот промет. Учесникот во платен промет може да овласти друго лице за располагање со средствата на сметката врз основа на писмено Полномошно дадено лично во присуство на одговорен работник на Банката, на соодветен образец - барање (Прилог 1б) или полномошно заверено кај нотар. За полномошникот Банката може да издаде соодветна дополнителна картичка. Полномошното има важност до негово отповикување од страна на Учесникот во платен промет на истиот начин како што е дадено, до раскинување на овој договор или во останати случаи предвидени со закон. Доколку настане материјална штета од даденото полномошно за располагање со средствата на сметката, истата во целост ја надоместува Учесникот во платниот промет. За располагање со средствата на сметката по издадена чековна картичка, Xxxxxxx му издава чекови на Учесникот во платниот промет или на полномошникот. Чековите не се гарантирани за исплата од страна на Xxxxxxx. Исплатата по чековите се врши согласно со законските прописи.
Располагање со средствата на сметката. Корисникот располага со средствата на сметката отворена во Банката. Корисникот може да овласти друго лице/а за располагање со средствата на сметката врз основа на писмено Полномошно дадено лично во присуство на одговорен работник на Xxxxxxx на соодветен образец, или полномошно заверено кај нотар. Полномошното има важност до негово отповикување од страна на Корисникот на истиот начин како што е дадено, до раскинување на овој договор или во останати случаи предвидени со закон. Доколку настане материјална штета од даденото полномошно за располагање со средствата на сметката, истата во целост ја надоместува Корисникот. За располагање со средствата на сметката од страна на лицата овластени за располагање со средствата, Корисникот до Банката доставува и Листа на депонирани потписи на лица овластени за располагање со средствата на сметката, со потписи депонирани пред службеник на Банката или пред надлежен нотар.