Müddət və qüvvəyəminmə. Bu Anlaşma Memorandumu dövlətdaxili prosedurların yerinə yetirilməsi barədə Tərəflərin sonuncu yazılı bildirişinin alındığı tarixdən qüvvəyə minir və Tərəflərin razılığı ilə ləğv edilməyənə qədər qüvvədə qalır. Xxxxx hər hansı bir Tərəf istənilən vaxt digər Tərəfə bu Anlaşma Memorandumunu ləğv etmək niyyəti barədə yazılı bildiriş verə bilər, bu halda o, belə bildiriş diplomatik kanallar vasitəsilə yazılı şəkildə verildiyi tarixdən 6 (altı) ay sonra ləğv olunur. Bu Anlaşma Memorandumunun ləğvi, Tərəflər arasında başqa cür razılaşdırılmadığı təqdirdə, bu Anlaşma Memorandumuna əsasən başlanılmış, xxxxx hələ başa çatmamış hər hansı davam edən fəaliyyətlərə təsir göstərməyəcəkdir. Bu Anlaşma Memorandumu Bakı şəhərində 12 noyabr 2014-cü il tarixində, hər biri Azərbaycan, fars və ingilis dillərində olmaqla, iki əsl nüsxədə imzalanmışdır, bütün mətnlər bərabər autentikdir. Bu Anlaşma Memorandumunun təfsirində fikir ayrılığı yarandığı təqdirdə, ingilis dilindəki mətnə üstünlük verilir. Azərbaycan Respublikasının İqtisadiyyat və Sənaye Nazirliyi ilə İran İslam Respublikasının İqtisadi İşlər və Maliyyə Nazirliyi arasında iqtisadi və texniki əməkdaşlıq üzrə Anlaşma Memorandumunun təsdiq Azərbaycan Respublikası Konstitusiyasının 109-cu maddəsinin 17-ci bəndini rəhbər tutaraq qərara alıram:
