SIĞORTAÇININ MƏSULİYYƏT HƏDLƏRİ (SIĞORTA MƏBLƏĞİ). 3.1. Sığorta məbləği tərəflərin razılığı əsasında sığorta müqaviləsi ilə müəyyən olunur. Sığorta müqaviləsinin bağlanıldığı zaman tərəflərin müəyyən etdikləri sığorta məbləği, bir qayda olaraq Sığortalıya məxsus əmlakın onun olduğu yerdə, sığorta müqaviləsinin bağlandığı günə malik olduğu dəyərdən, eləcə də 2№-li Əlavənin 1, 4 və 5-ci Bölmələrində sadalanan sığorta hadisələrinin baş verəcəyi təqdirdə bunlarla əlaqədar Sığortalının məruz qala biləcəyi mümkün ziyanın məbləğindən artıq ola bilməz. Sığorta müqaviləsi 2№-li Əlavənin bir neçə bölməsi (1-6) əsasında bağlanarsa, bu halda sığorta məbləği hər bir əmlak və risk üzrə ayrılıqda, haqqında sığorta müqaviləsi bağlanan sığorta obyeklərinin sığorta dəyəri nəzərə alınmaqla müəyyən ediləcəkdir.
