Grŵp Colegau. Ar hyn o xxxx xxx cyflogwyr yn y grŵp yn talu cyfradd cyfraniadau sylfaenol (gwasanaethau’r dyfodol) gyffredin a swm cyfraniad diffyg sy’n hafal i gyfran o gyfanswm cyfraniadau diffyg ariannol y grŵp. Yn ogystal, mae nifer o ddarparwyr gwasanaeth neu gyflogwyr eraill yn cael eu cyfuno xxxxx xx gyda Chyngor Caerdydd neu Gyngor Bro Morgannwg am resymau cytundebol neu fasnachol. Mae manylion llawn y grwpiau / cronfeydd, y cyfranogwyr ar ddyddiad ysgrifennu’r datganiad hwn a’r ffordd y maent yn gweithredu wedi’u nodi yn Atodiad 3. Yn gyffredinol, yn y fath achosion bydd y cyfrifiadau’n seiliedig ar estyniad bras o werthoedd asedau a rhwymedigaethau, a chaiff rhwymedigaethau eu cyfrifo trwy gyfeirio at ragdybiaethau sy’n gyson â’r prisiad diweddaraf cyn hynny. Yn benodol, nid yw’n debygol y byddai’r rhwymedigaethau’n cael eu cyfrifo trwy ddefnyddio data am aelodau unigol ac ni fyddai’r rhagdybiaethau’n cael eu hadolygu fel sy’n digwydd mewn prisiadau teirblwydd ffurfiol. Er mwyn pennu cyfraddau cyfraniadau ar gyfer cyflogwyr unigol neu grwpiau o gyflogwyr, mae’n gyfleus isrannu’r Gronfa gyfan yn dybiannol rhwng y cyflogwyr, fel petai xxx xxx cyflogwr ei is-gronfa dybiannol ei hun o fewn y Gronfa. Mae’r isrannu hwn at ddibenion ariannu yn unig. Mae’n gwbl dybiannol ei natur ac nid yw’n awgrymu unrhyw fath o isrannu asedau’n ffurfiol na pherchenogaeth ar unrhyw asedau neu grwpiau o asedau penodol gan unrhyw gyflogwr unigol neu grŵp o gyflogwyr. Nodir manylion am sut caiff yr is-gronfeydd eu hymestyn yn Atodiad 2. I ddiogelu’r Gronfa, a chyflogwyr unigol, rhag y risg bod aeddfedrwydd cynyddol a chyflogresi llai yn creu addasiadau cyfraniadau annerbyniol o anwadal fel canran tâl, bydd yr Awdurdod Gweinyddu fel arfer yn gofyn am lifoedd cyfalaf diffiniedig gan gyflogwyr mewn perthynas ag unrhyw gyllid dros xxx xxx ddiffyg y rhoddir gwybod amdano. Mewn rhai amgylchiadau, i gyflogwyr sicr y mae’r Awdurdod Gweinyddu’n eu hystyried yn hirdymor eu natur, gellir gosod addasiadau cyfrannu i unioni unrhyw gyllid dros xxx xxx ddiffyg y rhoddir gwybod amdano fel canran o’r gyflogres ond gellir rhagdybio cyflogres ragamcanol gan y cyflogwr. Ynghlwm wrth ddull gweithredu o’r fath y mae’r rhagdybiaeth awgrymedig y bydd cyflogres y cyflogwr yn cynyddu ar gyfradd ragdybiedig. Os na fydd y gyflogres yn cynyddu ar y gyfradd hon, neu os bydd yn gostwng, bydd hynny oherwydd nad oedd y camau unioni’n ddigonol. I ddiogelu’r Gronfa yn erbyn y risg hwn, bydd yr Awdurdod Gweinyddu’n monitr...
