1.1.1 Договорниот орган е ЈЗУ Универзитетска клиника за уво, нос и грло - Скопје, со адреса на ул. „Мајка Тереза “ бр. 17, 1000 Скопје, лице за контакт Емилија Борисовска телефон за контакт 02/3214-136, мобилен 075/326-299, електронска адреса...

ТЕНДЕРСКА ДОКУМЕНТАЦИЈА ЗА НАБАВКА ОД МАЛА ВРЕДНОСТ

Предмет на набавка:

Работна облека и постелнина

(по спецификација)

Декември, 2022 Скопје

Врз основа на член 48 и 81 од Законот за јавните набавки (Службен весник на РМ бр.24/19), подготвена е:

Тендерска документација

за набавка од мала вредност на Работна облека и постелнина

Тендерската документација содржи:

1. ОПШТИ ИНФОРМАЦИИ ВО ВРСКА СО ДОГОВОРНИОТ ОРГАН И ПРЕДМЕТОТ НА НАБАВКА

2. ПОЈАСНУВАЊЕ, ИЗМЕНУВАЊЕ И ДОПОЛНУВАЊЕ НА ТЕНДЕРСКАТА ДОКУМЕНТАЦИЈА

3. ПОДГОТОВКА НА ПОНУДАТА

4. ПОДНЕСУВАЊЕ И ОТВОРАЊЕ НА ПОНУДИТЕ

5. ЕВАЛУАЦИЈА НА ПОНУДИТЕ

6. СКЛУЧУВАЊЕ НА ДОГОВОРОТ ЗА ЈАВНА НАБАВКА

7. ПРАВО НА ЖАЛБА И ЗАВРШУВАЊЕ НА ПОСТАПКАТА ЗА ЈАВНА НАБАВКА

8. ЗАДОЛЖИТЕЛНИ ЕЛЕМЕНТИ ОД ДОГОВОРОТ ЗА ЈАВНА НАБАВКА

9. ТЕХНИЧКИ СПЕЦИФИКАЦИИ

Прилог 1 – Образец на понуда

Прилог 2 – Изјава за сериозност на понудата

1. ОПШТИ ИНФОРМАЦИИ ВО ВРСКА СО ДОГОВОРНИОТ ОРГАН И ПРЕДМЕТОТ НА НАБАВКА

1.1 Договорен орган

1.1.1 Договорниот орган е ЈЗУ Универзитетска клиника за уво, нос и грло - Скопје, со адреса на ул. „Мајка Тереза “ бр. 17, 1000 Скопје, лице за контакт Xxxxxxx Xxxxxxxxxx телефон за контакт 02/3214-136, мобилен 075/326-299, електронска адреса xxxxxxxxxx@xxxxx.xxx

1.2. Предмет на набавка

1.2.1 Предмет на набавката е Работна облека и постелнина (по спецификација).

Детален опис на предметот на набавка е даден во техничката спецификација.

1.2.2 Предметот на набавката е делив на делови како што е дефинирано во техничката спецификација. Понудувачот може да даде понуда за еден, или за повеќе делови од предметот на договорот за јавна набавка.

1.2.3 Договорот за јавната набавка ќе биде со времетраење од 1 (една) година или до исполнување на неговата вредност, во зависност од тоа што попрво ќе истече или ќе се исполни.

1.3. Општи мерки за спречување на корупцијата

1.3.1 Договорниот орган во постапката за јавна набавка и при извршување на договорот, ќе ги преземе сите потребни мерки со цел навремено откривање на корупцијата и отстранување или намалување на штетните последици од истата.

1.3.2 Кај договорниот орган ЈЗУ Универзитетска клиника за уво, нос и грло - Скопје, лицето Дипл.ек. Xxxxxxx Xxxxxxxxx, контакт моб. 070/387-062, електронска адреса xxxxxxxxxx@xxxxx.xxx , е овластено за прием на пријави за заштитено внатрешно и надворешно пријавување од страна на укажувачи, а во врска со корупција во јавните набавки.

1.4. Вид на постапка за јавна набавка

1.4.1 Договорот за јавна набавка ќе се додели со примена на набавка од мала вредност.

1.4.2 Набавката од мала вредност ќе се изврши со објавување оглас.

1.4.3 Оваа постапка ќе заврши со користи е-аукција.

1.4.4 Оваа постапка ќе се спроведува со користење на електронски средства преку Електронскиот систем за јавни набавки (во натамошниот текст: ЕСЈН), достапен на следнава интернет адреса xxxxx://xxx.x-xxxxxxx.xxx.xx и Правилникот за начинот на користење на електронскиот систем за јавни набавки („Службен весник на Република Северна Македонија“ бр. 64/2019).

1.5. Посебни начини за доделување на договорот за јавна набавка

1.5.1 Електронска аукција

1.5.1.1 Договорот за јавна набавка ќе се додели со користење електронска аукција, на која ќе се добијат нови цени коригирани надолу, односно, нови вредности за одредени елементи од понудите.

1.5.1.2 Предмет на електронската аукција ќе биде вкупната цена на листата за секој дел поединечно.

1.5.1.3 Сите понудувачи што поднеле прифатливи понуди, истовремено ќе се поканат, да достават нови цени за делот на понудата кој е предмет на електронска аукција.

1.5.1.4 Сите понудувачи во секоја фаза од аукцијата ќе имаат пристап до информациите кои ќе им овозможат во секое време да го утврдат својот ранг.

1.5.1.5 Доколку во постапката за јавна набавка остане само една прифатлива понуда, електронска аукција нема да се спроведе.

1.5.1.6 Доколку две или повеќе понуди имаат иста цена, за најповолен понудувач ќе биде избран оној кој прв ја поднел понудата.

2. ПОЈАСНУВАЊЕ, ИЗМЕНУВАЊЕ И ДОПОЛНУВАЊЕ НА ТЕНДЕРСКАТА ДОКУМЕНТАЦИЈА

2.1 Појаснување на тендерската документација

2.1.1 Економскиот оператор може да побара појаснување на тендерската документација преку модулот "Прашања и одговори" на ЕСЈН, најмалку четири дена пред крајниот рок за поднесување на понудите.

2.1.2 Појаснувањето договорниот орган ќе го достави преку истиот модул, без да го открие идентитетот на економскиот оператор кој го поставил прашањето, за што економските оператори што презеле тендерска документација ќе добијат автоматско електронско известување дека е даден одговор на поставеното прашање.

2.2 Изменување и дополнување на тендерската документација

2.2.1 Договорниот орган може, по свое наоѓање или врз основа на поднесените прашања за објаснување поднесени од страна на економските оператори, да ја измени или да ја дополни тендерската документација, при што во најкус можен рок, но не подоцна од два дена пред истекот на крајниот рок за поднесување на понудите, ги прави достапни измените и дополнувањата на ист начин како што ја направил достапна тендерската документација, по што сите економски оператори што ја презеле ќе добијат автоматско електронско известување дека е објавена измена.

2.2.2 Во случај на измена на тендерската документација, договорниот орган крајниот рок за поднесување на понудите ќе го продолжи пропорционално на сложеноста на измената или дополната на тендерската документација во последните четири дена пред истекот на рокот за поднесување понуди.

8. 3. ПОДГОТОВКА НА ПОНУДАТА

3.1 Право на учество

3.1.1 Право да достави понуда има секое заинтересирано физичко или правно лице или група такви лица, вклучувајќи ги и сите привремени здружувања, кои на пазарот или во постапката за јавна набавка го нудат предметот на набавка.

3.1.2 Составен дел од групната понуда е договор за поднесување групна понуда со кој членовите во групата економски оператори меѓусебно и кон договорниот орган се обврзуваат за извршување на договорот за јавна набавка. Овој договор потребно е да ги содржи следниве податоци:

-членот на групата кој ќе биде носител на групата, односно кој ќе ја поднесе понудата и ќе ја застапува групата,

-членот на групата кој во име на групата економски оператори ќе го потпише договорот за јавна набавка,

-членот на групата кој ќе ја издаде фактурата и сметка на која ќе се вршат плаќањата,

-краток опис на обврските на секој од членовите на групата економски оператори за извршување на договорот.

3.1.3 Членовите на групата економски оператори одговараат неограничено и солидарно пред договорниот орган за обврските преземени со понудата.

3.1.4 Економскиот оператор кој има една или повеќе негативни референци, групата економски оператори во која членува економски оператор кој има негативна референца нема право на учество во постапката согласно со член 101 став 7 од законот.

3.1.5 Економскиот оператор во рамките на иста постапка за доделување на договор за јавна набавка може да учествува само во една понуда. Сите понуди ќе бидат отфрлени ако економскиот оператор:

• учествува во повеќе од една самостојна и/или како член во групна понуда или

• учествува како подизведувач во друга самостојна и/или како член во групна понуда.

3.1.6 Економскиот оператор може да учествува како подизведувач во повеќе од една понуда.

3.1.7 Лицата кои учествувале во изработка на тендерската документација не смеат да бидат понудувачи или членови во група на понудувачи во постапката за јавна набавка.

3.1.8 За да учествува во постапката, економскиот оператор треба да се регистрира во ЕСЈН и да поседува квалификуван сертификат за електронски потпис согласно прописите за електронски потпис. Економскиот оператор се регистрира во ЕСЈН со пополнување на регистрациска форма која е составен дел од ЕСЈН^1,.

Напомена: Во моментот на поднесување на групна понуда сите членови на групата треба да бидат регистрирани на Електронскиот систем за јавни набавки.

3.2 Трошоци за поднесување на понуда

3.2.1 Економскиот оператор ги сноси сите трошоци поврзани со подготовката и со доставувањето на понудата, а договорниот орган не е одговорен за тие трошоци без оглед на водењето и на исходот од постапката за јавна набавка.

3.3 Јазик на понудата

3.3.1 Понудата, документите поврзани со понудата како и целата кореспонденција е на македонски јазик со користење на неговото кирилско писмо. Придружните документи и печатената литература кои се дел од понудата може да бидат на друг јазик, а во текот на евалуација на понудите, комисијата може да бара превод на македонски јазик.

3.4 Алтернативна понуда

3.4.1 Во оваа постапка за јавна набавка не се дозволени алтернативни понуди.

3.5 Цена на понудата

3.5.1 Во цената на понудата треба да се засметани сите трошоци и попусти на вкупната цена на понудата, без ДДВ кој се искажува посебно, во денари.

3.6 Корекција на цени

3.6.1 При реализација на договорот за јавна набавка не се предвидува корекција на цените, односно цените искажани во понудата на најповолниот понудувач ќе бидат фиксни за целото времетраење на договорот за јавна набавка.

3.7 Начин на испорака

3.7.1 Носителот на набавката е должен предметот на договорот да го испорача во магацинот за веш на ЈЗУ Универзитетската Клиника за уво, нос и грло – Скопје, по добиена нарачка од страна на овластено лице од клиниката, испратена електронски по е-меил.

3.7.2 При прием ќе се врши преглед на стоката со цел утврдување на неправилности во поглед на квалитет и квантитет. Набавувачот го задржува правото да побара корекции или замена на стоките.

3.7.3 Трошоците за достава се вклучени во цената на производите.

3.7.4 Набавувачот нема обврска за целосно исцрпување на количините.

3.8 Рок на испорака

3.8.1 Носителот на набавката е должен предметот на набавка да го испорача во рок од 10 дена, од денот на добивање на нарачката.

3.9 Начин на плаќање

3.9.1 Плаќањето, предмет на овој договор ќе се изврши во рок од 30 дена од датумот на прием на фактурата, со приложена испратница, потпишана и заверена од страна на овластено лице на Набавувачот.

Должничко доверителскиот однос настанува со денот на испораката.

3.9.2 Секоја понуда која содржи начин на плаќање поинаков од оној утврден во оваа точка ќе се смета за неприфатлива и како таква ќе биде одбиена од страна на комисијата за јавни набавки.

3.10 Период на важност на понудата

3.10.1 Понудата треба да е со важност од 90 дена.

3.10.2 Договорниот орган може, во исклучителни случаи кои не настанале по негова вина, да побара од понудувачите продолжување на периодот на важност на понудите.

3.11 Средства за обезбедување

3.11.1 Со понудата економскиот оператор доставува изјава за сериозност на понудата.

3.11.2 Со изјавата економскиот оператор изјавува дека:

• нема да ја повлече својата понуда пред истекот на периодот на нејзината важност,

• ќе ја прифати исправката на аритметичките грешки од страна на комисијата,

• ќе го потпише договорот за јавна набавка согласно со условите од тендерската документација и доставената понуда.

9. 4. ПОДНЕСУВАЊЕ И ОТВОРАЊЕ НА ПОНУДИТЕ

4.1 Поднесување на понудите

4.1.1 Понудата се поднесува во согласност со тендерската документација, со користење на обрасците дадени во прилог.

4.1.2 Понудата е обврзувачка за целиот период на важност што го утврдил договорниот орган.

4.1.3 Понудувачот ја доставува понудата со цена во која се засметани сите трошоци и попусти на вкупната цена на понудата, без ДДВ кој се искажува посебно, во валута утврдена во тендерската документација.

4.1.4 Цената на понудата се изразува посебно за оној дел за кој се поднесува понудата

4.1.5 Понудувачот може да ја измени, замени или да ја повлече својата понуда пред истекот на крајниот рок за поднесување на понудите.

4.1.6 Понудата се поднесува во електронска форма преку ЕСЈН и истата треба да биде електронски потпишана со користење на квалификуван сертификат за електронски потпис од одговорното лице на економскиот оператор или лице овластено од него. Сертификатот треба да биде со важност најмалку до моментот на јавното отворање односно крајниот рок за поднесување на понудите.

4.1.7 Доколку понудата ја потпишува лице, овластено од одговорното лице, во прилог се доставува и овластување за потпишување на понудата потпишано од одговорното лице.

Напомена: Подетални информации за начинот на дигитално потпишување се содржани во прирачникот “Општи и технички препораки за користење на ЕСЈН за економски оператори и договорни органи“ објавен на почетната страна на ЕСЈН во делот "Документи".

4.1.8 Економските оператори можат во хартиена форма да ја поднесат документацијата во нестандарден формат и големина пред крајниот рок за поднесување на понудите, доколку истите се преобемни за скенирање и прикачување на ЕСЈН.

10. 4.1.9 Понудите кои содржат покус период на важност, од тој утврден во точка 3.10.1 од тендерската документација, ќе бидат отфрлени како неприфатливи.

4.2. Краен рок за поднесување на понудите

4.2.1 Краен рок за доставување на понудите е 04.01.2023 година до 11.00 часот.

4.2.2 Понудите се поднесуваат преку ЕСЈН на следнава веб адреса: xxxxx://x-xxxxxxx.xxx.xx.

4.2.3 По истекот на крајниот рок за поднесување на понудите истите нема да може да се поднесат преку ЕСЈН.

4.3. Елементи на понудата

1. Понудата треба да е составена од следниве елементи:

• Образец на понуда (Прилог 1),

• Документи за докажување на способност за вршење на професионална дејност,

• Изјава за сериозност на понудата (Прилог 2),

Понудите кои нема да ги содржат горенаведените документи ќе бидат оценети како непотполни и ќе бидат исклучени од натамошна евалуација.

4.4 Подизведување

4.4.1 Понудувачот може дел од договорот за јавна набавка да додели на подизведувач. Доколку понудувачот користи подизведувач при извршувањето на договорот за јавна набавка, во понудата:

• ги наведува сите подизведувачи, како и секој дел од договорот за кој има намера да го додели на подизведувачи;

• доставува контакт податоци за законските застапници на предложените подизведувачи;

• доставува документација за утврдување способност на предложените подизведувачи и

• доставува барање од подизведувачот за директно плаќање, доколку подизведувачот го бара тоа.

4.5 Отворање на понудите

4.5.1 Отворањето на понудите е јавно, а ќе се изврши на ден 04.01.2023 година, во време определено во тендерската документација како краен рок за поднесување на понудите на следнава локација: Библиотека на ЈЗУ Универзитетска Клиника за уво, нос и грло – Скопје.

4.5.2 Понудувачот може да има свој овластен претставник на јавното отворање на понудите, при што овластениот преставник треба на комисијата да и предаде писмено овластување од понудувачот, доколку сака да даде забелешки на постапката на јавно отворање.

4.5.3 Комисијата за јавни набавки ќе пристапи кон отворање на понудите доколку е пристигната и само една понуда.

12. 5. ЕВАЛУАЦИЈА НА ПОНУДИТЕ

5.1 Критериуми за утврдување на способност на понудувачите

За да учествуваат во постапката за јавна набавка, економските оператори треба да докажат дека ја имаат потребната способност за вршење на професионална дејност.

5.1.1 Економскиот оператор треба да е регистриран како физичко или правно лице за вршење на дејноста поврзана со предметот на договорот за јавна набавка или да припаѓа на соодветно професионално здружение согласно со прописите на земјата каде што е регистриран.

5.2 Начин на докажување на способноста на понудувачот

5.2.1 За докажување на способноста за вршење на професионалната дејност, понудувачот треба да достави со својата понуда;

- Документ за регистрирана дејност, како доказ дека е регистриран како физичко или правно лице, за вршење на дејноста поврзана со предметот на договорот за јавна набавка или доказ дека припаѓа на соодветно професионално здружение согласно со прописите на земјата каде што е регистриран.

5.2.3 Во случај на група економски оператори, сите членови на групата поединечно ја докажуваат способноста за вршење професионална дејност.

5.3 Критериум за избор на најповолна понуда

5.3.1 Договорниот орган како критериум за избор на најповолна понуда ќе ја користи економски најповолната понуда врз основа на:

• цената

5.3.2 За најповолна понуда ќе биде избрана понудата која има најниска понудена цена.

5.4 Евалуацијата на понудите

5.4.1 Кај набавката од мала вредност, комисијата најпрво ја проверува комплетноста и валидноста на способноста за вршење на професионална дејност на понудувачот. Истовремено, согласно со член 101 став 13 од законот, комисијата во генерираниот извештај на ЕСЈН за негативни референци, проверува дали понудувачите се на листата на издадени негативни референци.

5.4.2 При проверката на комплетноста и валидноста на документацијата за утврдување способност на понудувачот и при евалуација на понудата, комисијата може да побара понудувачите да ги појаснат или дополнат документите, доколку не станува збор за значителни отстапувања од бараната документација, внимавајќи со бараното појаснување или дополнување да не создава предност во корист на одреден економски оператор.

5.4.3 Договорниот орган ќе побара од економскиот оператор, во рок не пократок од пет дена, да ја објасни цената или трошокот наведен во понудата, доколку смета дека понудата содржи невообичаено ниска цена во однос на стоките, што се предмет на набавка или доколку постои сомнеж дека договорот ќе биде извршен.

5.4.4 Договорниот орган, ќе побара објаснување на цената доколку вредноста на понудата е за повеќе од 50 % пониска од просечната цена на прифатливите понуди и е за повеќе од 20 % пониска од следната рангирана понуда, во случај да има добиено најмалку три прифатливи понуди.

5.4.5 Бараното објаснување понудувачот го доставува преку ЕСЈН во рок кој го определила комисијата.

5.4.6 Комисијата не смее да бара, ниту да дозволува никакви промени во финансиската и техничката понуда, освен исправката на аритметички грешки.

5.4.7 Комисијата во примерен рок може да побара од понудувачот, а со цел за објаснување на понудата, превод на делот од понудата кој е во врска со техничката документација за кој во тендерската документација дозволил истата да биде изработена на странски јазик.

5.4.8 Евалуацијата на понудите ќе се врши согласно со критериумите наведени во тендерската документација.

5.4.9 По извршената евалуација, комисијата ќе пристапи кон рангирање на понудите и изготвување предлог за избор на најповолна понуда.

5.5 Заштита на податоци

5.5.1 Договорниот орган нема да открива информации доставени од страна на економскиот оператор кои се означени како тајна или утврдени како класифицирана информација.

5.5.2 Економскиот оператор може, врз основа на закон, друг пропис или општ правен акт да означи одредени податоци за деловна тајна или за класифицирани, вклучувајќи ги техничките или трговските тајни содржани во понудата или пријавата за учество, под услов да го наведе правниот основ врз основа на кој истите се означени за тајни или за класифицирани.

5.5.3 Економскиот оператор не смее да ги означи за деловна тајна или за класифицирана информација: цената на понудата, трошоците на животниот век, спецификациите на понудените стоки, услуги или работи, количините, податоците во врска со критериумите за избор на најповолна понуда, јавните исправи, извадоците од јавни регистри и другите податоци кои согласно со посебните прописи мора јавно да се објавуваат или не смее да се означат како деловни тајни или како класифицирани информации.

Напомена: Понудата на економскиот оператор која е подготвена спротивно на точка 5.5.3 од оваа тендерска документација, комисијата ќе ја смета за неприфатлива и нема да ја евалуира.

5.6 Исправка на аритметички грешки

5.6.1 Ако понудата е прифатлива и е составена и доставена во согласност со тендерската документација, договорниот орган ги коригира аритметичките грешки на следниот начин:

• каде што има неусогласености на износот изразен во зборови и броеви, преовладува износот изразен во зборови, освен ако износот е поврзан со аритметичка грешка;

• доколку има неусогласености помеѓу единечната цена и вкупната цена, а вкупната цена е резултат на множење на единичната цена и количината, во тој случај преовладува единичната цена, а вкупната цена ќе се коригира, освен ако не постои очигледно поместување на децималната запирка во единичната цена, при што во таков случај важи наведената вкупна цена, а единичната цена ќе се коригира;

• доколку има грешка во вкупниот износ што соодветствува на додавањето или одземањето на меѓувредностите, преовладува меѓувредноста, а вкупниот износ ќе се коригира и

• во случај на несовпаѓање помеѓу цената внесена на Електронскиот систем за јавни набавки и цената внесена во образецот на понудата, за валидна се смета цената внесена во образецот на понуда и ќе се измени цената внесена во Електронскиот систем за јавни набавки.

5.7 Поништување на постапката

5.7.1 Договорниот орган може да ја поништи постапката за јавна набавка, за што носи одлука за поништување на постапката ако:

• не е поднесена ниту една понуда или ниту една прифатлива понуда,

• настанале непредвидени промени во буџетот на договорниот орган,

• понудувачите понудиле цени и услови за извршување на договорот за јавна набавка кои се понеповолни од реалните на пазарот,

• оцени дека тендерската документација содржи битни пропусти или недостатоци,

• добие инструкции од Xxxxxx да ја поништи постапката во управна контрола или поради технички проблем на ЕСЈН кој не може да се надмине на поинаков начин, или

• поради непредвидени и објективни околности се промениле потребите на договорниот орган.

5.7.2 Договорниот орган ги известува сите учесници во постапката за јавна набавка преку ЕСЈН, најдоцна во рок од три дена од денот на поништувањето, во врска со престанокот на обврските на учесниците што произлегуваат од поднесувањето на понудите и за причините за поништување на постапката.

13. 6. СКЛУЧУВАЊЕ НА ДОГОВОРОТ ЗА ЈАВНА НАБАВКА

6.1 Доделување на договорот за јавна набавка

6.1.1 Договорниот орган ќе донесе одлука за избор или за поништување на постапката во рок кој не е подолг од рокот за поднесување на понудите, сметајќи од денот определен како краен рок за поднесување на понудите, а не сметајќи ги деновите во кои договорниот орган чека преземање одредено дејствие од друг субјект.

6.1.2 Договорниот орган го склучува договорот за јавна набавка со понудувачот чија понуда е избрана за најповолна врз основа на техничката и на финансиската понуда во рок од 30 дена од денот на конечноста на одлуката за избор, но не подоцна од периодот на важност на понудата.

6.1.3 Ако избраниот понудувач се откаже од склучување на договорот или дојде до раскинување заради негово ненавремено или неквалитетно извршување, договорниот орган може да склучи договор со следниот рангиран понудувач, ако цената не е повисока од 5% во однос на првично избраната понуда.

6.2 Известување за доделување на договорот за јавна набавка

6.2.1 Договорниот орган ќе ги извести понудувачите за одлуките во врска со утврдената способност, извршениот избор на најповолна понуда, или поништувањето на постапката за јавна набавка. Известувањето се доставува во рок од три дена од денот на донесувањето на соодветната одлука.

6.2.2 Во прилог на известувањето ќе се достави и примерок од соодветната одлука, а истото ќе се испрати преку ЕСЈН.

6.2.3 По доставување на одлуката за избор на најповолна понуда или за поништување на постапката, а до истекот на рокот за вложување жалба, економските оператори што учествувале во постапката имаат право на увид во целокупната документација од постапката, вклучувајќи ги доставените понуди или пријави за учество, освен оние документи што се означени како деловна тајна.

6.3 Склучување на договорот

6.3.1 Договорните страни го склучуваат договорот за јавна набавка во писмена форма, во рамки на рокот на важност на најповолната понуда, но не подоцна од 30 дена од денот на конечноста на одлуката за избор.

6.3.2 Договорот за јавна набавка се склучува согласно со условите утврдени во тендерската документација и понудата.

6.4. Извршување на договорот

6.4.1 Договорните страни го извршуваат договорот за јавна набавка согласно со условите утврдени во тендерската документација и избраната најповолна понуда.

6.4.2 Договорниот орган ќе врши контрола дали извршувањето на договорот за јавна набавка е во согласност со условите од договорот.

6.4.3 При извршувањето на договорот договорните страни покрај одредбите од Законот за јавните набавки, соодветно ќе ги применат одредбите од законот што ги уредува облигационите односи и материјалните прописи со кои се уредува предметот на набавка.

6.5 Измени на договорот за јавна набавка во текот на неговата важност

6.5.1. Дозволени се измени на договорот за јавна набавка во неговата важност, доколку во текот на реализација на договорот дојде до негово менување согласно член 119 од Законот за јавни набавки.

14. 7. ПРАВО НА ЖАЛБА И ЗАВРШУВАЊЕ НА ПОСТАПКАТА ЗА ЈАВНА НАБАВКА

7.1 Право на жалба

7.1.1 Секој економски оператор кој има правен интерес за добивање на договорот за јавна набавка и кој претрпел или би можел да претрпи штета од евентуално прекршување на одредбите од овој закон, може да бара правна заштита против одлуките, дејствијата и пропуштањата за преземање дејствија од страна на договорниот орган во постапката за јавна набавка.

7.1.2 Жалбата се изјавува до Државната комисија во електронска форма, а се доставува истовремено до Државната комисија и договорниот орган преку ЕСЈН.

7.1.3 Кај набавката од мала вредност, жалба се изјавува во рок од пет дена, од денот на:

1. Објавување на огласот за јавна набавка, во однос на содржината на огласот или тендерската документација;

2. Објавување на известувањето за измени и дополнителни информации, во однос на содржината на измените и дополнителните информации;

3. Отворање на понудите, во однос на пропуштањето на договорниот орган соодветно да одговори на навремените прашања или барања за појаснување или измени на тендерската документација или

4. Прием на одлуката за избор на најповолна понуда или за поништување, во однос на постапката на евалуација и избор на најповолна понуда, или за причините за поништување на постапката.

5. Жалителот кој пропуштил да изјави жалба, нема право на жалба во подоцнежната фаза на постапката за истиот правен основ.

7.2 Завршување на постапката за доделување на договор за јавна набавка

7.2.1 Постапката за доделување на договор за јавна набавка завршува на денот на конечноста на одлуката за избор или за поништување на постапката.

ТЕХНИЧКИ СПЕЦИФИКАЦИИ

Дел	Опис на делот (зелен веш за операциона сала)	Количина	суровински состав	Стерилизација	тежина на материјал	собирање на материјалот по перење на 90 ͦ	постојаност на боја при перење
1	Хируршки мантил во зелена боја со преклоп и врзување на грб, со долг ракав и растегливи манжетни/рендер со должина од мин.5см. до макс. 8 см., должина до глужд, величина M, L, XL и XXL	50	100% памук	135 ͦ	мин. 175гр./м²	мак.3%	мин.4
2	Оперативен хируршки чаршав во зелена бојасо распон на димензија од 250см Х 170см (+/-2%) зелена боја	50	100% памук	135 ͦ	мин. 175гр./м²	мак.3%	мин.4
3	Компреси во зелена боја без отворсо димензија 120см х 120см - (+/-2%) зелена боја	50	100% памук	135 ͦ	мин. 175гр./м²	мак.3%	мин.4
4	Компреси во зелена боја со отвор во средина (задолжително обрабен) во зелена боја - распон на димензии на компресата 120см х 120см (+/-2%), со големина на отвор 15смх15см	40	100% памук	135 ͦ	мин. 175гр./м²	мак.3%	мин.4
5	Компреси во зелена боја со отвор во средина (задолжително обрабен) во зелена боја- распон на димензии на компресата 120см. х 120см. (+/-4%) , со големина на отвор 5смх1см	10	100% памук	135 ͦ	мин. 175гр./м²	мак.3%	мин.4
Дел	Опис на делот (бела болничка постелнина за оддел)	Количина	суровински состав	Стерилизација	тежина на материјал	собирање на материјалот по перење на 90 ͦ	постојаност на боја при перење
6	Единечен бел креветски чаршав (со дебел ластик два пати опшиен) со димензии 150см до 160см х 230см до 240см Изработен од ткаенина во бела боја.	200	100% памук	135 ͦ	мин. 175гр./м²	мак.3%	мин.4
7	Навлака за ќебе со димензии 150см до 160см х 220см до 230см, изработена од ткаенина во бела боја	200	100% памук	135 ͦ	мин. 175гр./м²	мак.3%	мин.4
8	Перница со димензии 50см х 70см (+/- 3%) материјал мин.80% памук, полнило: 100% полиестер со тежина од 800 до 1000 гр.	100	лице мин.80% памук, остаток полиестер, исполна 100% полиестер		мин.800 гр/м²	мак.3%	мин.4
9	Навлаки за перници изработена од ткаенина во бела боја. Со димензии 55см до 65см х 75см до 80см (компатибилни на перниците)	100	100% памук	135 ͦ	мин. 175гр./м²	мак.3%	мин.4

ВАЖНО:

За докажување на исполнетоста на минималните барања од техничката спецификација економскиот оператор задолжително да достави за секој дел:

• Сертификат / декларација за материјалот-ткаенината од кои се изработени понудените производи.

• Неповратни мостри / примероци за сите делови согласно бараните карактеристики од техничката спецификација. Мострите се доставуваат во архивата на договорниот орган во затворен пакет. Договорниот орган мострите ќе ги искористи за потврда на неменливост на квалитетот, т.е. ќе послужат за споредба на договорената и испорачаната стока.

Карактеристики за сите делови !

• Материјалот да се пере со сапун или детергент со вода отпорно на последователни перења со висока температура

• Материјалот да се пере на температура од 90 ͦ

• Материјалот да биде фабрички обоен, отпорен на светлина, избледување, развлекување и перење

• Бојата на материјалот да не се менува при хемиско чистење и употреба на хлорни препарати

• Обележување со логото на клиниката во сина или црна боја со димензија на лого од 10см х 10см до 15см х 15см, во договор со нарачателот

МОДЕЛ НА ДОГОВОР

I. ДОГОВОРНИ СТРАНИ

1. ЈЗУ Универзитетска Клиника за уво, нос и грло – Скопје, со седиште на улица ул. „Мајка Тереза “ бр. 17, 1000 Скопје, претставувано од Медицинскиот директор Проф.д-р Xxxx Xxxxxxxxx и Организацискиот директор Дипл. Ек. Xxxx Xxxxx, во натамошниот текст: договорен орган/набавувач, и

2. ______________________________ (полн назив на носителот на набавката), со седиште на ул. “______________________” бр_____, во______________, застапувано од ________________________, ЕДБ __________________________, во натамошниот текст: носител на набавката.

ПРЕДМЕТ НА ДОГОВОРОТ

Член 1

Предмет на овој Договор е јавна набавка на Работна облека и постелнина (по спецификација), по спроведена набавка од мала вредност бр. ____/ 2022 со технички карактеристики дадени во понудата на носителот на набавката која е составен дел на овој договор.

Набавувачот нема обврска да ја порача полната количина на предметот на набавката наведена во ставот 1 на овој член.

ЈАЗИК НА ДОГОВОРОТ

Член 2

Јазик на Договорот и на другите документи кои претставуваат составен дел на Договорот е македонскиот јазик.

Јазик на целата комуникација во писмена форма помеѓу договорните страни е на македонски јазик.

ВРЕДНОСТ НА ДОГОВОРОТ

Член 3

Вкупната вредност на предметот на набавката изнесува _______________денари без ДДВ, односно ________ со ДДВ.

Испораката на стоката што е предмет на овој договор ќе се врши според видовите, количините и цените кои се дадени во понудата на носителот на набавката и истите се во прилогот кон овој договор .

ВРЕМЕТРАЕЊЕ НА ДОГОВОРОТ

Член 4

Договорот се склучува на определено време за период од 1 (една година) од денот на склучувањето или до исполнување на неговата вредност, во зависност од тоа што попрво ќе истече или ќе се исполни.

ДИНАМИКА И НАЧИН НА ИСПОРАКА НА СТОКИТЕ

Член 5

Испораката на стоките Носителот на набавката ќе ја врши врз основa на добиена нарачка од страна на овластено лице кај Договорниот орган во рок од 10 дена од денот на приемот на нарачката испратена електронски по е-меил.

Носителот на набавката е должен предметот на договорот да го испорача во магацинот на ЈЗУ Универзитетската Клиника за уво, нос и грло – Скопје.

Испораката на стоките се смета за извршена по потпишувањето на испратницата од овластеното лице на Договорниот орган и овластеното лице на Носителот на набавката.

Член 6

При прием ќе се врши преглед на стоката со цел утврдување на неправилности во поглед на квалитет и квантитет. Набавувачот го задржува правото да побара корекции или замена на стоката.

Трошоците за достава се вклучени во цената на производите.

ДОГОВОРНА КАЗНА ЗА ЗАДОЦНУВАЊЕ ИЛИ НЕИСПОЛНУВАЊЕ НА ДОГОВОРОТ

Член 7

Во случај на доцнење со испораката на стоката од страна на Носителот на набавката, Договорниот орган има право на надомест на штета и договорна казна, но не повеќе од 5% од вредноста на неиспорачаната стока.

Во случај на 2 (две) последователни неиспораки, Договорниот орган има право по предходно доставено писмено известување до Носителот на набавката за испорака на стоката во дополнително оставен рок од 3 дена, да го раскине Договорот за испорака со проста изјава и да склучи Договор за испорака на предметот на набавката со второрангираниот понудувач.

Во случај на став 2 од овој член, Носителот на набавката е должен да му ја надомести штетата на Договорниот орган.

Договорниот орган неможе да бара договорна казна поради задоцнување ако го примил исполнувањето на обврската, а без одлагање не му соопштил на Носителот на набавката дека го задржува своето право на договорна казна.

ИЗГОТВУВАЊЕ И ДОСТАВУВАЊЕ НА ФАКТУРАТА

Член 8

При изготвувањето на фактурата, Носителот на набавката е должен да ги наведе следните елементи:

• назив на Договорниот орган, место, седиште, даночен број;

• број и датум на Договорот;

• количини со опис на стоката, дефинирани по ставки како во член 3 од договорот;

• единечни договорени цени;

• вкупна цена на фактурата

• други зголемувања или намалувања, согласно со договорните услови (камати, пенали, и сл.);

• пресметка за ДДВ;

• валута на плаќање.

НАЧИН, УСЛОВИ И РОКОВИ НА ПЛАЌАЊЕ, ЗАКОНСКА КАМАТА ЗА ЗАДОЦНЕТО ПЛАЌАЊЕ

Член 9

Договорниот орган се обврзува плаќањето на Носителот на набавката да го врши во рок од 30 дена од денот на приемот на фактурата во архивата на Договорниот орган, на сметка и банка за која писмено ке го извести Носителот на набавката.

Прилог на фактурата е уредно заверена испратница.

Во случај Договорниот орган да не ја плати фактурата во договорениот, рок се засметува законска казнена камата во висина определена согласно позитивните законски прописи.

КВАНТИТАТИВНА И КВАЛИТАТИВНА КОНТРОЛА

Член 10

Квалитативен и квантитативен прием на стоката од член 2 од овој Договор врши Договорниот орган, со документ (испратница) потпишана од двете договорни страни.

Во текот на примопредавањето се утврдува квалитетот и квантитетот на испорачаната стока/и.

ОБВРСКИ НА НОСИТЕЛОТ НА НАБАВКАТА

Член 11

Носителот на набавката се обврзува дека стоката што ќе ја испорачува да биде во согласност со квалитетот, стандардите и другите податоци наведени во понудата.

Член 12

Носителот на набавката се обврзува да изврши замена на стоката што договорниот орган ќе ја рекламира.

ПРИМЕНЛИВ ЗАКОН

Член 13

Врз сите евентуални спорови кои би произлегле од овој Договор, ќе се применуваат важечките прописи на Република Северна Македонија.

ВИША СИЛА

Член 14

Ниту една од договорните страни нема да биде одговорна за неисполнување на овој Договор до кое би дошло заради Виша сила. Ако една од договорните страни е спречена заради Виша сила должна е во рок од 24 часа писмено да ја извести другата страна, со наведување на причините за Вишата сила и по можност обезбедување на соодветен доказ.

По отстранување на Вишата сила Договорот може да се реализира по потреба со заеднички прифатено дополнување или да се раскине договорно.

ЗАВРШНИ ОДРЕДБИ

Член 15

Овој договор стапува во сила со денот на неговото потпишување од двете договорни страни и важи до несговата целосна реализација.

Кога една од договорните страни нема да ја исполни својата обврска другата старна може да бара исполнување на овбската или да го раскине договорот.

Сите евентуални спорови и недоразбирања кои би произлегле од овој Договор, договорните страни ќе ги решаваат во духот на добрите деловни обичаи со меѓусебно договарање. Доколку тоа не даде резултат сите спорови ќе ги решава надлежниот суд во Скопје.

Договорните страни се согласни да ги применат највисоките стандарди за етичко и законите однесување за време на реализација на овој Договор.

За се што не е предвидено со овој Договор, ќе се применува Законот за облигацините односи и позитивните законски прописи во Република Северна Македонија.

Член 16

Овој Договор е составен во 2 (два) примероци, од кои секоја страна задржува по 1 (еден) примерок и стапува во сила со денот на неговото склучување.

Набавувач	Носител на набавката
_______________________________ ЈЗУ Универзитетска клиника за уво, нос и грло - Скопје	_______________________________ [Назив на носителот на набавката]

*Моделот на договор се дава на увид на економските оператори за да се запознаат со задолжителните елементи на договорот (економските оператори немаат обврска електронски да го потпишуваат и да го доставуваат заедно со понудата)

Прилог 1 – Образец на понуда

Врз основа на огласот број ______/2022 објавен од страна на ЈЗУ Универзитетска Клиника за уво, нос и грло Скопје, за набавка на Работна облека и постелнина (по спецификација), со спроведување на набавка од мала вредност и тендерската документација, ја поднесуваме следнава:

П О Н У Д А

Дел I – Информации за понудувачот

I.1.Имена понудувачот: ______________________________

I.2. Контакт информации

• Адреса: ______________________________________

• Телефон: _____________________________________

• Е-пошта: ______________________________________

• Лице за контакт: ________________________________

I.3.Одговорно лице: ___________________________________

I.4.Даночен број: ______________________________________

I.5.Матичен број: ______________________________________

Дел II – Техничка и финансиска понуда

II.1.Согласни сме да ги понудиме следниве стоки:

Дел	Опис на делот	ед.мера	Количина	Единечна цена без ДДВ	Вкупна цена без ДДВ	ДДВ	Производител	Земја на потекло
1	Хируршки мантил во зелена боја со преклоп и врзување на грб, со долг ракав и растегливи манжетни/рендер со должина од мин.5см. до макс. 8 см., должина до глужд, величина M, L, XL и XXL	парче	50
2	Оперативен хируршки чаршав во зелена бојасо распон на димензија од 250см Х 170см (+/-2%) зелена боја	парче	50
3	Компреси во зелена боја без отворсо димензија 120см х 120см - (+/-2%) зелена боја	парче	50
4	Компреси во зелена боја со отвор во средина (задолжително обрабен) во зелена боја - распон на димензии на компресата 120см х 120см (+/-2%), со големина на отвор 15смх15см	парче	40
5	Компреси во зелена боја со отвор во средина (задолжително обрабен) во зелена боја- распон на димензии на компресата 120см. х 120см. (+/-4%) , со големина на отвор 5смх1см	парче	10
6	Единечен бел креветски чаршав (со дебел ластик два пати опшиен) со димензии 150см до 160см х 230см до 240см Изработен од ткаенина во бела боја.	парче	200
7	Навлака за ќебе со димензии 150см до 160см х 220см до 230см, изработена од ткаенина во бела боја	парче	200
8	Перница со димензии 50см х 70см (+/- 3%) материјал мин.80% памук, полнило: 100% полиестер со тежина од 800 до 1000 гр.	парче	100
9	Навлаки за перници изработена од ткаенина во бела боја. Со димензии 55см до 65см х 75см до 80см (компатибилни на перниците)	парче	100
ВКУПНО

II.2. Ги прифаќаме начинот и рокот на испорака утврдени во тендерската документација.

II.3. Според тоа, вкупната цена на нашата понуда, вклучувајќи ги сите трошоци и попусти, без ДДВ, кој е искажан посебно, изнесува:_____________ [со бројки], или _____________________________________________ [со букви] денари.

Вкупниот износ на ДДВ изнесува ______________________.

II.4.Ги прифаќаме начинот и рокот на испорака утврдени во тендерската документација.

II.5. Нашата понуда важи за периодот утврден во тендерската документација. Се согласуваме со начинот на плаќање утврден во тендерската документација.

II.6. Со поднесување на оваа понуда, во целост ги прифаќаме условите предвидени во тендерската документација.

Место и датум
___________________________
Одговорно лице*
___________________________ (потпис)

*Образецот на понудата може да биде потпишан и од лице овластено од одговорното лице

Прилог 2 – Изјава за сериозност на понудата

И З Ј А В А

Понудувачот __________________________________________ [назив на економскиот оператор], како учесник во постапката за набавка на стоки Работна облека и постелнина, која се спроведува по оглас за јавна набавка број _______/ 2022 објавен од страна на ЈЗУ Универзитетска Клиника за уво, нос и грло Скопје, врз основа на член 101 став 4 од Законот за јавните набавки, со оваа изјава потврдува дека:

• нема да ги преземе дејствијата наведени во член 101 став 6 од Законот за јавните набавки,

• понудата има правно обврзувачка сила во сите нејзини делови до истекот на периодот на нејзината важност

• е свесен за последиците од прекршување на оваа изјава, што ќе доведе до издавање на негативна референца од страна на договорниот орган согласно со член 101 став 7 од Законот за јавните набавки.

Во име и за сметка на понудувaчот ______________________________

Изјавил,

Одговорно лице/Овластено лице*_______________________________

(потпис)

Место и датум ______________________________

*Изјавата се потпишува електронски со прикачување на валиден дигитален сертификат чиј носител е одговорното лице или лице овластено од него.

1На почетната страна на ЕСЈН во делот „Економски оператори“ се наоѓа линкот „Регистрирај се“.